Конкурс творчых пісьмовых работ "За што я люблю родную зямлю".

21.09 у межах тыдня беларускай мовы ў школе прайшоў конкурс творчых пісьмовых работ "За што я люблю родную зямлю".
Старшакласнікі падзяліліся сваімі думкамі па тэме “За што я люблю сваю родную зямлю” Кожны з іх захапляецца прыродай роднага краю і адзначае, што наша родная зямля – гэта самае прыгожае месца на свеце. Кожны імкнуўся перадаць захапленне сваёй малой радзімай - тым куточкам, дзе нарадзіўся і вырас, дзе жывуць яго бацькі, куды заўсёды хочацца вярнуцца. Кожны ганарыцца яе дасягненнямі і верыць у шчаслівую будучыню. Вось толькі некаторыя вытрымкі з сачыненняў.

Арол Лізавета: "Я люблю сваю зямлю за яснае і цёплае сонейка, якое сагравае сваімі промнямі, за блакітнае і мірнае неба над галавою. Люблю свой горад Свіслач, дзе нарадзілася і вырасла, сказала першае слова, знайшла надзейных сяброў”.

Пузыр Паліна: “Я вельмі люблю сваю краіну з-за людзей. Беларусы – народ працавіты, талерантны і культурны. Нашы людзі заўжды сардэчна прымаюць гасцей, гатовыя дапамагчы любому, хто трапіў у бяду”.
Усе работы заслугоўваюць высокай адзнакі. Аўтары лепшых работ: Пракопік М., Арол Л., Пузыр П.